Сёння я падрыхтаваны вашай увазе духоўныя традыцыйныя песні беларусаў. Мы пачуем выступленне Алеся Лася, які будзе акампаніраваць сабе на колавай ліры. Таксама ў канцэрце прыме удзел Васіль Грынь. 

Алесь Лось — мастак, музык, этнограф, майстра музычных інструментаў. Яшчэ з пачатку 80-х ён вывучае народныя тэхнікі ігры на скрыпцы, цымбалах, бубне, жалейцы ды рэканструюе старадаўнія інструмэнты. Першую ліру вырабіў 30 гадоў таму. Майстра прызнаецца, што робіць інструмэнты пераважна для замежнікаў, ад беларусаў замоваў зусім мала. «Гэта не зьвязана зь фінансамі, не дарасьлі можа», — з скрухаю кажа спадар Алесь і дадае: «Кажуць, чаму беларусы такія бедныя і жалкія? Таму што яны ня ведаюць, наколькі яны багатыя! Якое багацьце ў іх побач — пад нагамі, справа і зьлева, сьпераду і ззаду!»

Сам інструмент колавая ліра вядомы таксама пад назвамі арганіструм альбо сімфонія. У Еўропе вядомы з 12-га стагоддзя. І не толькі ў вясковым асяродку, але і ў кляштарах, і ў магнацкіх палацах. Такія вядомыя кампазітары, як Вольфганг Амадэй Моцарт, Ёзэф Гайдн, Франц Шуберт складалі творы адмыслова для гэтага інструмента. На Беларусі лірніцкая традыцыя доўгі час не была перарваная і яшчэ ў 1945-46 гадах у вёсцы можна было сустрэць сапраўднага лірніка. Праз 60 гадоў лірніцкую традыцыю у Беларусі спрабуюць аднавіць. І калі даследчыкі пішуць навуковыя працы, то музыканты, робяць рэканструкцыі інструмента і уключаюць песні беларускіх лірнікаў у свой рэпертуар.

Запіс канцерту можна паслухаць тут